Маңғыстау облысында тас жолда КамАЗ көлігі толығымен жанып кетті

Өрт кезінде зардап шеккендер жоқ

Фото: әуесқой түсірілімнен кадр/mangystaumedia.kz/

Маңғыстау облысындағы «Доссор-Құлсары-Бейнеу-Сайөтес-Шетпе-Жетібай» республикалық тас жолында КамАЗ көлігі толығымен жанып кетті, деп хабарлайды Azattyq Rýhy mangystaumedia.kz-ке сілтеме жасап.

Оқиға Бейнеу ауылынан 70 шақырым жерде болған. Маңғыстау облысы төтенше жағдайлар департаменті таратқан ақпаратқа сәйкес, өрт кезінде зардап шеккендер жоқ.

«Өртті сөндіруге «Nobilis Corp» ЖШС мекемесінен 5 өрт сөндіруші, 4 қызметкер қатысты. Бірлескен жұмыстың нәтижесінде өрт толығымен сөндірілді. Қазір өрттің шығу себебін анықтау үшін тергеу жүріп жатыр. Оқиғаның салдары мен материалдық шығын туралы мәліметтер әзірге хабарланбайды», - делінген агенттіктің хабарламасында.

Мақалада

#Маңғыстау облысы #өрт

Алдыңғы жаңалық

Семейде суға батып кете жаздаған екі адам құтқарылды