Бауыздап, көмген: бұрынғы әскери қызметші Маңғыстауда кісі өлтірді деп күдіктелуде

Әлеуметтік желілерде Маңғыстау облысында ер адамды ұрлап, аяусыз өлтіргені туралы ақпарат пайда болды. Күдіктілер ұсталды. Олардың қатарында бұрынғы әскери қызметшілер бар, деп хабарлайды Azattyq Rýhy.

Egovpress Telegram арнасының айтуынша, полицейлер 59 жастағы ер адамды ұрлап, өлтірді деген күдікпен екі әскери қызметкерді ұстаған. Тергеу мәліметтері бойынша, олар өлтірілген адамның басын кесіп, көміп тастаған. Күдіктілердің тағы бірі қашып кетті деп болжануда.

«Адам ұрлап, өлтірді деген екі күдікті уақытша ұстау изоляторына қамалды. Үшінші күдіктіні ұстау бойынша жедел-іздестіру іс-шаралары жүргізіледі. Тергеу жүріп жатыр», - деп хабарлады Маңғыстау облысы полиция департаментінің баспасөз қызметі.