Ауғанстан, Непал, Бангладеш: Жамбылда заңсыз көші-қон ұйымдастырған 24 адам сотталды

Azattyq Rýhy

Сонымен қатар Оңтүстік Азияның 20 азаматы мерзімін өтеп, елден шығарылды

Ауғанстан, Непал, Бангладеш: Жамбылда заңсыз көші-қон ұйымдастырған 24 адам сотталды
Фото: freepik.com

Жамбыл облысында заңсыз көші-қонды ұйымдастырушылар сотталды, деп хабарлайды Azattyq Rýhy.

2023 жылдың аяғында жедел тергеу әрекеттерінің нәтижесі бойынша Пәкістан, Ауғанстан, Қырғызстан және Бангладеш елдерінің 20 азаматына қатысты заңсыз көші-қонды ұйымдастырған 4 тұлға ұсталды.

«Аталған факті бойынша Қордай аудандық ПБ-мен ҚК-нің 394-бабының 2-бөлігі бойынша (адамдар тобының алдын ала сөз байласуымен заңсыз көші-қонды ұйымдастыру) қылмыстық іс тергеп-тексерілді. Қордай аудандық сотының үкімдерімен 24 адам түрлі мерзімге бас бостандығынан айырылды», - делінген ақпаратта.

Сонымен қатар Оңтүстік Азияның 20 азаматы мерзімін өтегеннен кейін елден шығарылды.

Сот үкімдері заңды күшіне енді.

«Осыған ұқсас аудан прокуратурасының үйлестіру жұмыстарының нәтижесінде Непал Республикасының 10 азаматына қатысты заңсыз көші-қонды ұйымдастырған 2 қылмыскер құрықталып, 12.05.2024 жылғы сот санкциясымен қамаққа алынды. Қазіргі таңда аталған дерек бойынша ҚК-нің 394-бабының 2-бөлігі бойынша сотқа дейінгі тергеп-тексеру жүргізілуде», - делінген хабарламада.

 

×
Бұл желілік ресурстың ақпараттық өнімдері 18 жастан асқан адамдарға арналған.