Павлодарда заңсыз күзет қызметімен айналысқандардар ұсталды

Олар 200 млн теңгеден астам пайда тапқан

Павлодарда заңсыз күзет қызметімен айналысқандардар ұсталды
Фото: polisia.kz

Павлодарда заңсыз күзет қызметімен айналысқандардар ұсталды, деп хабарлайды Azattyq Ruhy.

Павлодар облысында ПД ұйымдасқан қылмысқа қарсы күрес жөніндегі жедел уәкілдері қаланың ойын-сауық мекемелерінде рұқсат құжаттарынсыз қауіпсіздікті қамтамасыз ету және фейс-бақылау бойынша заңсыз күзет қызметін іске асырған қала тұрғындарын анықтады.

«Тергеу барысында қатысушылардың қаланың 12 ойын-сауық орындарында заңсыз күзет қызметін ұйымдастырғаны анықталды. Онда олар маргиналдық жастар қатарынан, спорттық дайындықтан өткен, біліктілік талаптары жоқ, күзет ретінде жұмысты іске асыру үшін жас жігіттерді жинаған. Алайда олармен еңбек шарттары жасалмаған. Заңсыз күзет қызметі фактісі бойынша сотқа дейінгі тергеу басталды», – деді Павлодар облысы ПД ҰҚКБ бастығы Ғабит Қабдрахманов.

Өңірде адам ең көп баратын 12 ойын-сауық мекемесіне тексеру жүргізу барысында күзет қызметін іске асыратын 30-ға жуық адам, оның ішінде заңсыз күзет агенттігінің ұйымдастырушылары полицияға жеткізілді. Полицияның пайымдауынша, заңсыз күзет қызметінен түскен табыс ұйымдастырушыларға 200 млн теңгеден астам табыс әкелген.

×
Бұл желілік ресурстың ақпараттық өнімдері 18 жастан асқан адамдарға арналған.