Алматы облысында электр сымдарының ақауынан ер адам көз жұмды

Алматы облысының Қарасай ауданында электр сымдарының қысқа тұйықталуы ер адамның өліміне әкелді, деп хабарлайды Azattyq Ruhy ТЖМ баспасөз қызметіне сілтеме жасап.

25 ақпанда сағат 02-49-да Алматы облысы ТЖД Райымбек ауылдық округінде саяжай қоғамының тұрғын үйінде 68 ш.м. алаңда өрт болып, салдарынан төбе жабыны құлағаны туралы хабарлама келіп түсті.

«04-00-де өрт оқшауланып, 05-03-те сөндірілді. Өрт орнында үй иесінің денесі табылды. Өртті сөндіруге ТЖД, полиция, жедел жәрдемнің 20 қызметкері мен 6 техникасы жұмылдырылды», - делінген хабарламада.