Көлікке байланған капотпен сырғанаған: БҚО-да 17 жастағы қыз қаза тапты

Оралда студент автокөлікке байланған капотпен сырғанаған студент қыз қаза тапты, деп хабарлайды Azattyq Ruhy.

БҚО полиция департаментінің хабарлауынша, қайғылы оқиға 5 қаңтарда сағат 23:41-де болған.

«Қыз бала достарымен бірге ескі көліктің капотын шана ретінде пайдалану үшін автокөлікке тіркеп сырғанаған. Алайда капот газ бағанасына соғылған. Қатты соққы алған қыз бала ауруханаға жеткізілгенімен, есін жимастан көз жұмды», - делінген ПД хабарламасында.

Қазіргі уақытта қағйлы оқиғаның мән-жайы анықталып жатыр.

Ал марқұмның жергілікті колледжде оқығаны белгілі болды.