Жезқазғанда көліктен 250 мың теңге ұрлап кеткен күдікті ұсталды

Жезқазғанда көліктен 250 мың теңге ұрлап кеткен күдікті ұсталды, деп хабарлайды Azattyq Rýhy.

23 жастағы қала тұрғыны ұрлық қылмысы туралы полицияға хабарлаған.

Ол көлігін ашық қалдырып, дүкенге кіріп кеткен. Осы сәтті пайдаланған күдікті 250 мың теңге мен банк карталарын жымқырып кетті.

Дүкенге орнатылған бейнекамераға ұрлық сәті түсіп қалған. Осылайша, полицейлер күдіктіні анықтады. Жедел-іздестіру іс-шарасы барысында 55 жастағы ер адам ұсталды. Ол өз ісін мойындады. Айғақты заттар алынды.

Ұрлық фактісі бойынша сотқа дейінгі тергеу амалдары жүргізіліп жатыр.