Алматыда құбыр жарылып, бір аудан тұрғындары жылусыз қалды

Алматы қаласында жылу құбыры жарылып, бір аудан тұрғындары жылудан ажыратылды, деп хабарлайды Azattyq Rýhy .

Апатты жою жұмыстарымен «Алматы жылу желілері» ЖШС айналысып жатыр.

«Бостандық ауданының  Розыбакиев - Қожанов - Гагарин - Короленко көшелерінің аумағындағы тұрғын үй мен өзге де ғимараттар  магистральдағы апатқа байланысты жылу желісінен ажыратылады. 1976 жылы пайдалануға берілген диаметрі 800 мм құбыр істен шықты», - делінген «Алматы жылу желілері» ЖШС хабарламасында.

Аталған секторға жылу мен ыстық су беруді сағат он екіге дейін қалпына келтіру жоспарланған.