Ақмола облысында егін орағы кезінде комбайншы қайтыс болды

Ақмола облысында егін орағы кезінде комбайншы қайтыс болды. Бұл туралы олыстық ПД баспасөз қызметі мәлім етті, деп хабарлайды Azattyq Rýhy.

Департаменттің мәліметінше, қайғылы жағдай Жарқайың ауданы аумағындағы дала қосында болған.

Белгілі болғандай, Қостанай облысының 58 жастағы тұрғынын егін жинау жұмыстары кезінде «Енисей» комбайнының жетегіндегі белдік орап әкеткен. Ер адам сол жерде көз жұмды.

«Осы дерек бойынша Қылмыстық кодекстің 156-бабының 3-бөлігі (адам өліміне әкеп соқтырған еңбекті қорғау ережелерін бұзу) бойынша сотқа дейінгі тергеп-тексеру басталды. Барлық қажетті тергеу әрекеттері жүргізілгеннен кейін түпкілікті процессуалдық шешім қабылданады», - делінген хабарламада.