Ақтөбеде зейнеткер велосипед ұрлап, оны сатып жіберген

Ақтөбеде велосипед ұрлаған зейнеткер үсталды, деп Azattyq Ruhy ІІМ баспасөз қызметіне сілтеме жасап хабарлайды.  

20 тамыздан 21 тамызға қараған түні «102» пультіне жергілікті тұрғын 12-шағын ауданында белгісіз біреу велосипедін ұрлағанын айтып шағымданған.

Аталған факті бойынша учаскелік полиция инспекторлары 64 жастағы ер адамды «ізін суытпай» ұстаған. Ұсталған адам өз кінәсін толық мойындаған.

Белгілі болғандай, зейнеткер велосипедті белгісіз адамдарға сатып жіберген.