Шымкентте 6 жасар бала үшінші қабаттан құлап кетті

Есепті кезеңде Шымкент қаласында терезеден құлау бойынша 3 жағдай тіркелді, барлық жағдайда балалар жарақат алған, деп хабарлайды Azattyq Ruhy.  

Өткен жылмен салыстырғанда осы кезеңде терезеден құлаумен байланысты жазатайым оқиғалар саны төмен. Дегенімен терезеден құлау фактілері әлі де болып жатыр.

Жедел жәрдем қызметінен 26 маусымда сағат 20:25-те Еңбекші ауданы Орынбай ақын көшесінде орналасқан бес қабатты көппәтерлі тұрғын үйде ересектердің қарауынсыз қалған 2017 жылы туған ұл бала үшінші қабаттағы пәтердің терезесінен құлаған. Бала ауруханаға жеткізілген, қазіргі таңда жансақтау бөлімінде, жағдайы ауыр.