СҚО-да жол апатынан 5 адам қаза тапты

СҚО Тайынша ауданы Аймақ ауылының маңындағы Көкшетау-Омбы автожолының 53 шақырымында Lexus  және «ВАЗ-2104» автокөліктері соқтығысып, оқиға қағылы жағдаймен аяқталды, деп хабарлайды Azattyq Ruhy. Polisia.kz-ке сілтеме жасап.

Алдын ала анықталғандай, Lexus автомашинасы Көкшетау қаласынан келе жатып қарсы беттегі жол жолағына шығып кеткен.

«ЖКО салдарынан 7 адам зардап шекті:  5 адам оқиға орнында қайтыс болды, оның ішінде 2 автокөліктің жүргізушілері. Қалған зардап шеккендер медициналық көмек көрсету үшін Көкшетау қаласындағы ауруханаға жеткізілді. Жүргізушілерден медициналық куәландыру жүргізу үшін қан алынды», - делінген хабарладама.

ЖКО фактісі ҚР Қылмыстық кодексінің 345-бабының 4-бөлігі бойынша «Көлік құралдарын басқаратын адамдардың жол жүрісі немесе көлік құралдарын пайдалану қағидаларын бұзуы абайсызда екі немесе одан да көп адамның өліміне әкеп соққан іс-әрекет» бойынша сотқа дейінгі тергеп-тексерулердің бірыңғай тізілімінде тіркелген. Қажетті сараптамалар тағайындалды.