Ресейден шыққан ірі өрт Абай облысына таралып, 1 мың гектар аумақты шарпыды

Ресейдің Алтай аймағынан шыққан ірі өрт Абай облысына қарасты «Семей орманы» қорығының аумағына көшіп, 1100 гектар аумаққа таратды, деп хабарлайды Azattyq Ruhy. 

«Шығыс объектив» басылымының жазуынша, қазіргі кезде өртке қатысты жағдайды облыс әкімі өз бақылауына алған. Елдімекендерге қауіп төніп тұрған жоқ. Дегенмен, барлық қызмет халықты эвакуациялауға дайын. Төтенше жағдайлар қызметімен бірлесіп қажетті сөндіру шаралары пысықталып жатыр.

Айта кетейік, кеше, яғни 22 мамырда 101 пультіне Ресейдің Алтай өлкесіндегі Новенькое ауылының маңында тұтарған дала өрті Абай облысы Бородулиха ауданына, Ауыл стансасынан жеті шақырым жердегі «Семей орманы» табиғи резерватына таралғаны туралы хабарлама түскен.

Абай облысы Төтенше жағдайлар департаменті баспасөз қызметінің хабарлауынша, Березовка ауыл-санаторийіне қауіп төніп тұр. Қатты жел салдарынан өртті уақытында ауыздықтау мүмкін болмаған.

«Сөндіру жұмыстарына ТЖД күштері – жеке құрамның 68 адамы, 20 техникасы және бір ТҚК, орман шаруашылығынан – 147 адам мен 56 дана техника, 4 КамАЗ-су тасушы, сондай-ақ 7 МТЗ жіберілді. Облыстың жергілікті атқарушы органдары тарапынан ор қазу жұмыстары жүргізіліп жатыр», - делінген хабарламада.

Айта кетейік, сағат 23:07-де Семей қаласынан Ауыл елдімекеніне ҚТЖ өрт сөндіру пойызы келді.