7 – 8 наурыз күндері Алматы тауларында қар көшкіні жүруі мүмкін

Алматы қаласы Төтенше жағдайлар департаменті қала тұрғындары мен қонақтарды 7 және 8 наурызда тауларда қар көшкіні болуы мүмкін екенін ескертеді деп хабарлайды Аzattyq ruhy.

«Жауын –шашынның түсуіне байланысты, 7-8 наурыз аралығында үлкен және Кіші Алматы өзендері бассейндерінде қар жамылғысының биіктігі мен тұрақсыздығына байланысты қар көшкіні жүруі мүмкін», - делінген ақпаратта.

Құтқарушылар қалың қар түскен баурайларға шықпауға шақырады.

6 наурыз күні төтенше жағдайдың алдын алу мақсатында Шымбұлақта қар көшкін жасалды.