Екібастұзда сауда үйінің жанында көлік өртеніп кетті

Екібастұзда сауда үйінің жанында көлік өртенді. Көліктің қозғалтқыш бөлігінде резеңке бұйымдар жанған, деп хабарлайды Azattyq Ruhy.

Облыстық төтенше жағдайлар департаментінің мәлімдеуінше, 5 сәуір күні сағат 11:47-де Екібастұз қаласында «MaxiMall» және «Болашақ» сауда үйлерінің арасында автокөлік өртеніп жатқаны туралы хабарлама келіп түскен.

«Өрт сөндірушілер барған кезде Әуезов көшесі, 47 мекенжайында ашық жерде 1991 жылы шыққан «Volkswagen Passat» автокөлігінің жанып жатқаны анықталды. Автокөліктің қозғалтқыш бөлігінде резеңке бұйымдар өртенген», - деді департаментте. 

Өрт 2 шаршы метр аумақты қамтыды. Өрт сағат 12:01-де жойылды. Оқиға кезінде зардап шеккендер болған жоқ.