Семейде құлаған шатыр үйіндісінің астында қалған әйел мен бала құтқарылды
Оқыс оқиға бүгін таңертең болған
Семей қаласының құтқарушылары құлаған шатыр үйіндісінің астынан әйел адам мен баланы құтқарды, деп хабарлайды Azattyq ruhy ҚР Төтенше жағдайлар министрлігінің баспасөз қызметіне сілтеме жасап.
Бүгін таңғы сағат 9:34-те Сырлыбаев көшесінде жеке тұрғын үйдің төбесі құлады. Үйдің ішінде балалар болған.
«Үйінділердің астынан құтқарушылар 1982 жылғы әйелді және 2022 жылы туған баланы құтқарды. Құтқару бөлімшелері келгенге дейін үй иесі мен оның 2012 жылы туған қызы өз бетінше шықты, ал 2020 жылы туған баланы көршісі құтқарды», - делінген хабарламада.
Дәрігерлердің қарауынан кейін зардап шеккендердің барлығы Семей қаласының Жедел медициналық жәрдем ауруханасына жатқызылды.
Құтқару операциясына Абай облысы ТЖД-дан барлығы 11 адам мен 3 техника жұмылдырылды.
