Астанада жас жігіт 25-қабаттан құлап көз жұмды

Астанада жас жігіт 25-қабаттан құлап көз жұмды, деп хабарлайды Azattyq Ruhy.

Қалалық полиция департаментінің баспасөз қызметі хабарлағандай, қайғылы оқиға 8 желтоқсанда болған.

«Сағат 10:53-те «102» арнасына Петров көшесінен жас жігіттің мәйіті табылғаны туралы хабарлама түсті.  Тексеру барысында аталған дерек расталды. Полиция қызметкерлері жігіттің жеке басын анықтады. 25-қабаттан құлаған елордалық 19 жастағы тұрғын болып шықты», - делінген хабарламада.

Қазіргі кезде ҚР Қылмыстық кодексінің 105-бабы бойынша сотқа дейінгі тергеу амалдары басталды.

Тиісті сараптамалар тағайындалды.