Атырау облысында 467 млн теңге жымқырған құрылыс компаниясының басшысы ұсталды
Серіктекстіктің 79 млн теңге көлеміндегі мүлкіне тыйым салынды
Қаржылық мониторинг агенттігінің Атырау облысы бойынша департаменті «Атырау облысы Құрылыс басқармасы» ММ-ның лауазымды тұлғалары мен «Техника-Рем строй» ЖШС-ның басшысына қатысты сотқа дейінгі тергеп-тексеру жүргізді аяқтап, істі сотқа жолдады, деп хабарлайды Azattyq Ruhy.
Белгілі болғандай, тергеу жұмыстары әлеуметтік объектілердің, мектептің, 2 отбасылық дәрігерлік амбулаторияның, сондай-ақ спорттық-сауықтыру кешені құрылысына бөлінген аса ірі мөлшердегі бюджет қаражатын жымқыру дерегі бойынша қозғалған.
«Анықталған ақша жымқыру көлемі 467 млн теңге болып отыр. ЖШС-ның басшысына қатысты «күзетпен ұстау» бұлтартпау шарасы қолданылды. Серіктекстіктің 79 млн теңге көлеміндегі мүлкіне тыйым салынды», - делінген агенттік хабарламасында.
Ал Атырау облысы құрылыс басқармасы басшысының бұрынғы орынбасарына және де тағы да бір тапсырысшыға қатысты «үйқамақта ұстау» бұлтартпау шарасы қолданылды.
