Қаскелеңде тұрғын үй жанынан ер адамның денесі табылды

Azattyq Rýhy

Тұрғынды өлтірді деген күдікпен такси жүргізушісі ұсталды

 
Қаскелеңде тұрғын үй жанынан ер адамның денесі табылды

Алматы облысының Қарасай ауданы Қаскелең қаласында ер адамның мүрдесі тұрғын үй кешенінің жанынан табылды, деп хабарлайды Azattyq Rýhy тілшісі ҚазАқпаратқа сілтеме жасап.

Алматы облыстық Полиция департаменті баспасөз қызметінің мәліметінше, ер адамды өлтірді деген күдікпен такси жүргізушісі ұсталды.

«29 мамыр күні сағат 17:00 шамасында Қарасай аудандық полициясына «Қарлығаш» тұрғын үй кешенінің шлагбаумнан шыға беріс тұсында ер адамның мәйіті жатқаны хабарланды. Тәртіп сақшылары бірден оқиға орнына жетіп, Қаскелең қаласының тұрғынын 1976 жылғы ұстады. Күдікті жәбірленушімен жанжалдасып қалғанын, соңында оған бұрағышты жүрек тұсына тығып алғанын мойындады. Ер адам алған жарақатынан оқиға орнында көз жұмған», - делінген ведомствоның хабарламасында.  

Қазір күдікті қамауға алынды. Айғақ заттар тәркіленіп, қылмыстық іс тергеліп жатыр.

×
Бұл желілік ресурстың ақпараттық өнімдері 18 жастан асқан адамдарға арналған.