Шымкентте белгісіз біреулер аяусыз соққыға жыққан жігіт есін жимастан көз жұмды

Шымкентте 16 мамыр күні белгісіз біреулер көшеде аясузы соққыға жыққан ер адам ауруханада көз жұмды, деп хабарлайды деп хабарлайды Azattyq Rýhy тілшісі Отырар Telegram-арнасына сілтеме жасап.

Арысбек Дәулетбеков қатты соққы салдарынан комаға түскен. Дәрігерлердің айтуынша, оның жағдайы өте ауыр болған. Ауруханаға түскен кезде оған бас сүйек-ми жарақаты, бас миының контузиясы, қан құйылу диагнозы қойылды.

Ер адамның туыстарының айтуынша, полицейлер күдіктілерді ұстағанымен, кейін белгісіз себептермен босатып жіберген. Марқұмның әйелі Әйгерім Дәуітбекова 38 жастағы күйеуін бейтаныс адамдар ұрып, ес-түссіз көшеде қалдырғанын айтады.

Оқи отырыңыз: Шымкентте белгісіз біреулер оңбай сабап кеткен ер адам комада жатыр

Бұған дейін журналистерге берген сұхбатында Әйгерім күйеуі екеуі үш бала тәрбиелеп отырғанын, оларға әкесінің ауруханада жатқанын әлі айтпағанын айтқан еді.