Нұр-Сұлтанда автобуста оқушы қыздың денесіне қол жүгірткен ер адам ұсталды

Azattyq Rýhy

Әлеуметтік желілерде аталған дерекке қатысты видео тарап кетті

 

Нұр-Сұлтанда автобуста оқушы қыздың денесіне қол жүгірткен ер адам ұсталды
Фото: Polisia.kz

Нұр-Сұлтанда қоғамдық көлік ішінде оқушы қыздың денесіне қол жүгіртіп, сипалаған ер адам қолға түсті, деп хабарлайды Azattyq Rýhy.

Қалалық полиция департаментінің мәліметінше, 19 мамыр күні сағат 20.12-де Сарыарқа аудандық ішкі істер бөліміне қоғамдық көлікте кәмелетке толмаған қызға тиіскен белгісіз ер адамға қатысты шара қолдану туралы арыз түскен.

«Қазіргі уақытта ол азамат ұсталды, тергеу амалдары жүргізіліп жатыр», - деді ПД өкілдері.

Айта кетсек, әлеуметтік желілерде елордалық тұрғын өзінің кәмелеттік жасқа толмаған қызын автобуста әлдебір ер адамның қорлағаны туралы видеосы жарияланған болатын. Әйелдің айтуынша, автобустағы жолаушылар ер адамның әрекетіне мүлдем немқұрайлылық танытып, қызға көмектеспеген. Қатты қорыққан қыз анасының телефонына болған оқиға туралы жазған. Анасы дереу бейнеқоңырау шалып, ер адамға ескерту жасағанда ол дереу қашып кеткен.

×
Бұл желілік ресурстың ақпараттық өнімдері 18 жастан асқан адамдарға арналған.