БҚО-да GAP қаржы пирамидасы салымшыларын 15 млн теңгеге алдап кеткен

Қаржылық мониторинг агенттігінің БҚО бойынша департаменті GAP тұтыну кооперативіне қатысты «Қаржы пирамидасын құру және басқару» бабы бойынша қозғалған қылмыстық істі тергеп жатыр, деп хабарлайды Azattyq Rýhy.

GAP тұтыну кооперативінің толық атауы – Global Asar Project. Қаржы пирамидасы 2021 жылы БҚО-да құрылған.

«Қаржы пирамидасы «активтерді қайта бөлу және кейбір қатысушыны басқалардың жарнасы есебінен байыту принципіне негізделген. Соның салдарынан 14 азаматқа 15 миллион теңгеге жуық шығын келген», - делінген агенттік хабарламасында.

Қаржы мониторингі агенттігі азаматтарды аса сақ болуға және қаржылық пирамидаларға тартатын алаяқтардың айла-шарғысына түсіп қалмауға шақырады.