Алматы әуежайы аумағында жүгіріп жүрген жалаңаш ер адам ұсталды

Алматы әуежайында көлік полицейлері 1997 жылы туған ер адамды әкімшілік құқықбұзушылық жасағаны үшін ұстады, деп хабарлайды Azattyq Rýhy.

«Тексеру кезінде жалаңаш азаматтың 6 сәуір күні сағат 00:10-да Алматы әуежайының жергілікті ұшу терминалының жанындағы қоршаудан өтіп, кейін ұшу-қону жолағына қарай жүгіргені анықталды. Сол жерде оны Авиациялық қауіпсіздік қызметкерлері қолға түсірді», - деп хабарлады полиция.

Ұсталған азаматтың алкогольдік масаң күйде болғаны анықталды.

Оған қатысты ҚР ӘҚБтК-нің 440-бабы (Алкогольдік ішімдіктерді ішу немесе қоғамдық орындарға масаң күйде келу) бойынша бірден үш әкімшілік: ҚР ҚК-нің Ұсақ бұзақылық және ҚР Әкімшілік құқық бұзушылық туралы кодексінің Әуежайлардың, аэродромдардың аумағына рұқсатсыз өту баптары бойынша хаттама толтырылды.

Әкімшілік материалдары сотқа жолданды.