Елордадағы оңалту мекемесінде тоқаштан тышқан шықты

Azattyq Rýhy

Мамандар тексеріс жүргізіп жатыр 

Елордалық Санитарлық-эпидемиологиялық бақылау департаменті  оңалту мекемесінде орын алған жағдайға қатысты түсініктеме берді, деп хабарлады BAQ.kz. 

"Қазіргі уақытта таралған ақпаратта көрсетілген өнімді дайындаушы мен жеткізушіні анықтау бойынша іс-шаралар жүргізіліп жатыр. Нұр-Сұлтан қаласы Санитарлық-эпидемиологиялық бақылау департаменті өткізген және қабылдаған іс-шаралар туралы алдағы уақытта хабардар ететін боламыз", - деп жауап берді ведомствоның баспасөз қызметі. 

Еске сала кетейік, бұған дейін Facebook әлеуметтік желісінде Кенжегүл Тергембай есімді қолданушы елордалық оңалту мекемесінде орын алған жайт туралы ақпарат таратқан болатын. Нақтырақ айтқанда, астанадағы Республикалық балаларды оңалту орталығының асханасында тәтті тоқаштан өлі тышқан табылған. 

"Республикалық балаларды оңалту орталығында балаларға берген ас-ауқаттан (коржиктен) тышқанның баласы шыққан. Сол жерде жатқан бір ана уланып, жұқпалы аурулар ауруханасына жөнелтілген. Тағам сапасының өте нашар екенін айтып ата-аналар шағымдануда", - деп жазды белсенді.  

×
Бұл желілік ресурстың ақпараттық өнімдері 18 жастан асқан адамдарға арналған.