ШұғылҚазақстанда коронавирустан бір аптада 265 адам көз жұмды

Ташкентте өзбекстандық танымал дизайнерді өлтіріп кетті

Нариман Григорянның денесі 14 қаңтар күні түнде өз пәтерінен табылған

Фото: Facebook / Нариман Григорян

Өзбекстандық танымал дизайнер әрі хореограф Нариман Григорянның денесі 14 қаңтар күні түнде табылған, деп хабарлайды Azattyq Rýhy .  

Өзбекстан Бас прокуратурасы таратқан мәліметке сәйкес, қазір аталған «Адам өлтіру» дерегі бойынша қылмыстық іс қозғалған.    

Ведомство мәліметінше, құқық қорғау қызметкерлері Григорянның көптеген зорлық-зомбылық белгілері бар денесін Ташкенттің Яшнабад ауданындағы жалға алып тұрып жатқан пәтерінен тапқан.   

Қазір қылмыстық іс қала прокуратурасына өткізіліп, тергеу-тексеру амалдары жүргізілуде. Дизайнер өлімінің нақты себебін медициналық сараптама анықтайды.

Айта кетсек, 35 жастағы Нариман Григорян — өзбек хореографы, дизайнер, модельер және халықаралық «Жыл үздігі» (2015), «Кешкі көйлектердің ең үздік дизайнері» (2017) жүлделерінің иегері.   

Ол сондай-ақ, Nariman Grigoryan брендінің негізін қалаушы әрі халықаралық би жарыстарында әділқазылар мүшесі ретінде Өзбекстан атынан бір өзі ғана қатысып жүрген. 

Сұхбат
1 шілдеде Қазақстанда Тұрғын үй құрылыс жинақ банкінің «Жас отбасы» жаңа бағдарламасы іске қосылды
Филология ғылымдарының кандидаты Ербол Тілешовпен латын әліпбиіне қатысты сұхбат
Имамның айтуынша, құрбандыққа шалынған мал етін алуға өтініш бергендер саны басымырақ