Алматының бас полицейінің атынан жалған аккаунт ашылған

Алматы қаласы Полиция департаментінің бастығы Қанат Таймерденов оның атынан белгісіз біреулердің Instagram әлеуметтік желісінде аккаунт ашып алғанын мәлімдеді, деп хабарлайды Azattyq Rýhy.

Ол бұл туралы Facebook-парақшасында ескертті.

«Қайырлы түн, достар! Назарларыңызды Инстаграм әлеуметтік желісінде белгісіз адамдардың менің атымнан жалған аккаунт ашқанына аударғым келеді.

Менің тек «Фейсбук» желісінде ғана қызметтік парақшам бар екенін ресми түрде хабарлаймын, ол арқылы азаматтармен байланыс орнаттым», - деп жазды Қанат Таймерденов.

Алматы қалалық ПД басшысы әлеуметтік желілерді пайдаланушылардан ақпараттық қауіпсіздік шараларын сақтауды сұрайды.