Алматы полициясы өткен тәулікте тағы 2 159 адамды ұстады

Өткен тәуілікте Жетісу және Наурызбай аудандарында профилактикалық және іздестіру шаралары жүргізілді деп хабарлады Алматы қаласының комендатурасы.

Іздеу шараларының нәтижесінде лаңкестік, тонау және басқа да қылмыстардың 2 мың 159 қатысушысы ұсталған. Олардан 67 бірлік атыс қаруы мен 3 мың 112 оқ-дәрі тәркіленді.

Сонымен қатар, өткен тәуілікте «102» пультіне 754 хабарлама келіп түскен. Комендатураның Кол-орталығына азаматтардан жедел әрекет етуді талап ететін 175 дабыл қабылданған. Барлық хабарламалар дер кезінде өңделді.