Алматыда бүлік кезінде дүкен тонаған жігіт телефонын ұмытып кеткен

Алматы қаласындағы жаппай тәртіпсіздік кезінде дүкен тонаған жігіт ұялы телефонын сол жерде ұмытып кеткен, деп хабарлайды Azattyq Rýhy.

Бейнебақылау камерасына түсіп қалған ұрының видеосы Instagram желісіндегі Vorkzonline парақшасында жарияланды.

Онда жас жігіттің бутиктердің бірін тонап жатқанын байқауға болады. Бір қызығы, бетін жаппаған жігіт айнаға қарап, шашын тарап емін-еркін жүр. Керек заттарын алып шыққан ол қылмыс орнында телефонын қалдырып кеткен. Күдіктінің аты-жөні әзірге белгісіз.

Видеодан күдіктінің үй шаруашылығына қажет тұрмыстық заттар, шұлықтар ұрлағанын анық көруге болады.