Жамбыл облысында ірі көлемдегі қару-жарақ тәркіленді

Қаскөйлер қару-жарақты жаппай тәртіпсіздік кезінде қолданбақ болған

Фото ашық дереккөзден

Жамбыл облысында күштік құрылымдар жүргізген операция барысында ірі көлемде қару-жарақ тәркіленді, деп хабарлайды Azattyq Rýhy.

Өңір комендатурасының ақпарынша, 14 дана Калашников автоматы, 1 дана Драгунов снайперлік винтовкасы, 15 карабин, 8 патрон мен граната тәркіленді. Қаскөйлер бұл қару-жарақты Жамбыл облысының аумағында террористік шабуыл мен жаппай тәртіпсіздік кезінде қолдануды көздеген.

Тінту кезінде доллар мен қырғыз сомы да табылды. Басқыншылар бұл ақшаны митингке қатысатын студенттерге төлемекші болған. Жаппай тәртіпсіздіктер кезінде адамдарға алкоголь мен есірткі берілген.

Жалпы, облыс бойынша 139 адам ұсталды, 29 блок бекет қойылды.

Мақалада

#Жамбыл облысы #қару-жарақ

Алдыңғы жаңалық

Алматыдағы тәртіпсіздік: 5 медицина қызметкері зардап шегіп, 2 жедел жәрдем көлігі қирады