Қызылжарда қыз зорлаған жігіттердің туыстары жәбірленуші тарапқа қысым көрсеткен

Қызылжарда 17 жасар қызды зорлаған жігіттердің туыстары жәбірленуші тарапқа қысым көрсетіп жатыр, деп хабарлайды Azattyq Rýhy «Астана» телеарнасына сілтеме жасап.

Қызылжарда 17 жасар қызға бір топ жігіт зорлық көрсеткен. Күдіктілер қамауға алынды. Бірақ олардың туыстары жәбірленуші тарапқа қысым көрсетіп жатқан көрінеді. 

Зәбір көрген жасөспірімнің анасы бұл туралы «Немолчи» қоғамдық қорының порталында жариялады. Оның айтуынша, айыпталушылардың жақындары қылмысты жылы жауып қоюды көздейді. Бір ымыраға келгісі келеді. Бірақ ол кінәлілердің жазаланғанын қалайтынын айтады. 

Қазір бұл іске қатысты тергеу жүріп жатыр.  

«Аталған факт Қылмыстық кодекстің «Кәмелеттік жасқа толмаған азаматты зорлау» бабы бойынша сотқа дейінгі тергеу тізіліміне енгізілді. Күдікті ретінде Петропавлдың 5 азаматы қарастырылып отыр. Олар қамауға алынды. Тергеу әділ болу үшін сот-медициналық сараптама тағайындалды», - делінген СҚО ПД баспасөз қызметінің хабарламасында.