Нұр-Сұлтанда Шарын базарында өрт шықты

Нұр-Сұлтандағы Шарын базарында өрт болды, деп хабарлайды Azattyq Rýhy тілшісі астаналық төтенше жағдайлар департаменті баспасөз қызметіне сілтеме жасап. 

«Сағат 10.22-де өрт сөндіру бөлімшелері Алаш тас жолы, Шарын базары мекенжайына шықты. Оқиға орнына келген мамандар ангар типтес көкөніс павильоны ішінде тандыр нан пісіретін орын, 150 шаршы метр аумақты алып жатқан асхана өртенгенін анықтады», - деді ТЖ департаментінің өкілдері.

Өртті сөндіруге 40 маман мен 9 техника жұмылдырылған. Қаза тапқандар мен зардап шеккендер жоқ.