ШҚО-да есірткі қойып кету үшін өзге қаладан арнайы келген 8 адам ұсталды

Шығыс Қазақстанда арнайы операция барысында өңірге есірткіні қойып кету үшін өзге қаладан келген 8 адам ұсталды, деп хабарлайды Semeynews.kz.

ШҚО ПД баспасөз қызметінің ақпараты бойынша, ағымдағы жылдың 1-15 қыркүйегі аралығында Шығыс Қазақстан облысының полицейлері прокуратураның үйлестіруімен есірткі қылмысына қарсы іс-қимылға бағытталған жедел-іздестіру іс-шараларының кешенін өткізді.

Нәтижесінде тәртіп сақшыларының назарына басқа қалалардан келген бірқатар азаматтар ілікті, кейін анықталғандай, синтетикалық ұнтақты тарату арнасын құру үшін облыс орталығына арнайы келген. Олардың барлығы назарға ілікпеу үшін тек түнгі уақытта жұмыс істеген. Олар біздің елден тыс жерде орналасқан интернет-дүкеннің бірінің әкімшісінің нұсқауларын нақты орындап отырған. Алайда, өздерінің қылмыстық әрекеттері үшін қылмыстық жауапкершіліктен жалтара алмады.

Жарты айдан аз уақыт ішінде полиция қызметкерлері олардың әрқайсысына оларды қолға түсіруге негіз болған қажетті дәлелдемелер базасын жинады. Қаскөйлерді ұстау операциясы жалға алған пәтерлер мен олар есірткіні қойып кету барысында да жүргізілді.

Олардың ішінде Павлодар, Қостанай және Ақтөбе облыстарының тұрғындары болған барлық 8 наркокурьерден, синтетикалық есірткінің бір мың дозаға тең аса ірі салмағы тәркіленді.

Ұсталғандардың арасында колледждердің бірінің оқушысы кәмелетке толмаған бала да болған. Қалғандарының жасы 23-тен 30 жасқа дейін болған.

«Соттың санкциясымен ұсталғандардың барлығы қамауға алынды. Олардың әрекеттері ҚР ҚК-нің 296, 297-баптары бойынша сараланады, тиісінше олардың санкциялары 15 жылға дейін бас бостандығынан айыру түріндегі жазаны көздейді», – деді ШҚО ПД бастығының орынбасары Талғат Шаяхметов.