Түркістан облысында жол апатынан екі адам қаза тапты

Шымкенттен Түркістанға жол тартқан шағын автобус тракторға соғылып, екі адам көз жұмды. Тағы алты адам ауруханаға жеткізілді, деп хабарлайды Azattyq Rýhy тілшісі КТК телеарнасына сілтеме жасап.

Жол апаты таңғы алты жарым шамасында Шымкент-Самара тас жолында болды. Шымкенттен Түркістанға бет алған «Хюндай Старекс» шағын автобусы тракторға соғылып, бірнеше мәрте аунап кеткен. 

Жол апаты бойынша қылмыстық іс қозғалып, сотқа дейінгі тергеп-тексеру жұмыстары басталды. Ешқандай зақым алмаған шағын автобус жүргізушісі қамауға алынып, тергеліп жатыр.