Порнографиялық материалдар таратқан Екібастұз тұрғыны жауапқа тартылып жатыр

Екібастұз тұрғыны порнографиялық материалдарды таратқаны үшін жауапқа тартылады, деп хабарлайды Polisia.kz.

Павлодар облысында 2021 жылғы 9-15 тамыз аралығында еліміздің барлық аумағында өткізілетін “Фраудқа қарсы” жедел алдын алу іс-шарасы басталды.

Профилактикалық іс-шара ақпараттық технологиялар саласындағы құқық бұзушылықтарды анықтауға, жолын кесуге және ашуға, контрафактілік және еркін айналымда тыйым салынған, оның ішінде интернет желісінде таратылатын өзге де өнімді заңсыз дайындайтын, көбейтетін және өткізетін тұлғаларды анықтауға бағытталған.

«Нәтижесінде ақпараттық технологиялар саласында тоғыз қылмыс ашылды: интернет-алаяқтық және порнографиялық материалдарды заңсыз тарату. Мысалы, Екібастұз қаласының 30 жастағы тұрғыны “WhatsApp” мобильді қосымшасы арқылы порнографиялық материалдарды таратқан. Қала тұрғыны бұл материалдарды досына жіберді. Адам өз әрекеттері үшін заңның қатаңдығына жауап беруі керек. Аталған факті бойынша ҚР ҚК 311-бабы бойынша сотқа дейінгі тергеу амалдары жүргізілуде. Сондай-ақ, бұрын жасалған төрт қылмыс ашылды», – деді Павлодар облысы Полиция департаменті Криминалдық полиция басқармасының бастығы Балғабай Қапаров.

Полиция порнографиялық заттардың таралуы басқа адамдармен танысуды, жариялауды, беруді немесе оларды қандай да бір басқа тәсілмен айналымға жіберуді білдіреді деп атап өтті. Ал порнографиялық материалдарды таратқаны үшін Қазақстан Республикасы ҚК-нің 311-бабы бойынша қылмыстық жауапкершілік те көзделген.