Гаити мемлекетінің президенті Жовенель Моизды қарақшылар атып өлтірді

Гаити мемлекетінің Президенті Жовенель Моизды қарақшылар атып өлтірді. РИА Новости агенттігінің хабарлауынша, белгісіз адамдар президентке оқ жаудырып, оны ауыр жарақаттаған.

Елдің премьері Клод Жозеф мемлекет басшысының резиденциясына испан тілінде сөйлейтін белгісіз адамдардың шабуыл жасағанын растады. Мемлекеттің бірінші ханымы да жарақат алған. Моизаға бұған дейін де қастандық жасалған. Полиция ақпан айында елде төңкеріс жасап, президентті өлтірмекші болғандардың жолын кескен еді.  

Моиз елді 2017 жылдан бері басқарып келген.