Екібастұзда кәмелетке толмаған жаяу жүргіншіні көлік қағып кетті

Жол-көлік оқиғасы Беркімбаев көшесіндегі 130-шы үйге қарама-қарсы аумақта орын алды, деп хабарлайды Рavlodarnews.kz.

Облыстық ПД баспасөз қызметінің мәліметі бойынша, 3 маусым күні сағат 21.00-де «Лада Гранта» автокөлігінің 45 жастағы жүргізушісі жаяу жүргіншіні қағып кеткен.

«Ол реттелмейтін жаяу жүргіншілер өткелі бойынша жолды кесіп өткен», - деді облыстық Полиция департаментінің жергілікті полиция бастығы Ғалым Сарғұлов.

Жол-көлік оқиғасы салдарынан кәмелетке толмаған жаяу жүргінші жарақат алып, ауруханаға жеткізілді.

Автокөлік арнайы айып тұрағына қойылды. Аталмыш фактіге қатысты тексеру жүргізіледі.