Алматыда самокат теуіп жүрген қыз баланы жүк көлігі қағып кетті

Алматы қаласында жүк көлігі қағып кеткен қыз бала алған жарақаты салдарынан оқиға орнында көз жұмды, деп хабарлайды Azattyq Rýhy.

Алматы қаласы Полиция департаментінің мәліметінше, қайғылы оқиға 4 маусым күні Алатау ауданының Ақсу көшесінде болған. Самокат теуіп жүрген қыз баланы жүк көлігі басып кеткен.

«Аталған факт сот алды тергеудің бірыңғай тізілімінде ҚР Қылмыстық кодексінің 345-бабының 3-бөлімі (Абайсызда адам өліміне әкеліп соқтырған жол-көлік ережелерін бұзу) бойынша тіркелді. Алматы қаласы Полиция департаменті тергеу басқармасының қызметкерлері оқиғаны тергеуге кірісті», - делінген қалалық ПД хабарламасында.

Қазіргі уақытта тиісті сараптамалар тағайындалды.