Ақтөбе облысында жантүршігерлік жол апатынан екі адам көз жұмды

25 мамыр күні таңғы сағат алтыда Хромтау ауданы Бөгетсай кентінің маңында «Самара-Шымкент» автожолының 909 шақырымында ірі жол көлік оқиғасы тіркелді деп хабарлайды Azattyq Ruhy тілшісі облыстық Полиция департаментіне сілтеме жасап.

Алдын ала болжам бойынша, 61 жастағы жүргізушінің басқаруындағы Nissan Primera автокөлігі жолдың қарсы бағытына шығып кетіп, Мерседес-BENZ маркалы жүк көлігіне соқтығысқан. Салдарынан жеңіл көліктің жүргізушісі мен жолаушысы оқиға орнында көз жұмды.

Ақтөбе облысының Полиция департаменті көлік жүргізушілеріне жолда барынша абай болуды ескертті.