Шұғыл«Тауық пен сиырдың айырмашылығын білмейді» – Нұрлан Нығматулин Экология министріне ауылға баруға кеңес берді

БҚО-да оқушы қыз асылып қалды

Бұл - облыстағы соңғы кездегі осындай үшінші оқиға

Фото: ашық дереккөзден

Батыс Қазақстан облысында тағы бір оқушы асылып қалды, деп хабарлайды Azattyq Rýhy тілшісі.

БҚО білім басқармасының баспасөз қызметінен түскен мәліметке қарағанда, оқиға 6 желтоқсан күні Сырым ауданында болған. Сағат 18.44 шамасында Бұлан орта мектеп-балабақша кешенінің 9-сынып оқушысы үйінде өзіне-өзі қол жұмсаған. Қыз бала толық, аз қамтылған отбасында тәрбиеленген. Қазіргі кезде құзырлы органдар тарапынан анықтау жұмыстары жүргізілуде. 

Ауыл тұрғындарының сөзіне қарағанда, қыздың сабағы жақсы болған. Бұл отбасында 2 қыз, 2 ұл бала болса, марқұм соның бірі еді. Бұл - соңғы кездегі осындай үшінші оқиға. Бұдан бұрын Жаңақала ауданында қос бірдей 11-сынып оқушысы асылып қалған болатын.