Алматыда 16 жастағы қыз із-түзсіз жоғалып кетті
Ол 9 желтоқсан күні таңғы 06:30 шамасында үйінен шығып, содан оралмаған
Алматыда 16 жастағы колледж студенті екі күннен бері табылмай жатыр, деп хабарлайды ҚазАқпарат.
2003 жылы туған Айғаным Ақымбекова Алматы сервистік қызмет көрсету колледжінің 2-курс студенті. Ол 9 желтоқсан күні таңғы 06:30 үйден шығып, қазіргі уақытқа дейін қайтып оралмаған.
«Қызым осыдан екі күн бұрын әдеттегідей таңғы 06:30 үйден шығып, колледжге сабаққа кетті. Достарының айтуынша, ол сағат 13:00 де сабақтан шыққан. Сосын қасындағы құрбыларына №45 автобусқа отырып кететінен айтыпты. Өкінішке орай, оның автобусқа отырып кеткенін ешкім байқамапты. Содан бері іздемеген жерім жоқ. Ауруханалардың барлығын аралап шықтым, жоқ. Полицияға да арыз жаздым. Әзірге ешқандай ақпарат жоқ»,- дейді студент қыздың анасы Күләш Ақымбекова.
Ол үстіне қара түсті куртка, қара джинсы шалбар және қара түсті етік киген.
Іздестіріліп жатқан қыз туралы қандайда бір мәліметті білген жағдайда анасына мына 87473775329 телефон нөмері арқылы хабарласуды сұраймыз.
