ШұғылҚазақстанда коронавируспен ауырғандар саны 595 мыңнан асты

Көпқабатты үйдің шатырынан құлаған азамат аман қалды

Ол үйдің шатырын қардан тазалау кезінде абайсызда құлап кеткен

Әлеуметтік желілерде қар тазалау кезінде көпқабатты үйдің шатырынан құлап кеткен ер азаматтың видеосы тарады, деп хабарлайды Azattyq Rýhy тілшісі.

Жергілікті полиция департаментінің хабарлауынша, оқиға Шығыс Қазақстан облысының Алтай қаласында болған. Видеода қолына күрек ұстаған ер азамат төрт қабатты үйдің шатырын қардан тазалау кезінде абайсызда тайып кетіп, артынша құлап түскені байқалады.

«21 наурыз күні сағат 13.00 шамасында Алтай қаласы Космонавтов көшесінің 33 жастағы тұрғыны қар тазалау кезінде төрт қабаттың үйдің төбесінен құлап түсті. Оқыс жағдайдан азамат ешқандай дене жарақатын алған жоқ, тиісінше ауруханаға да бармаған», - деп хабарлады ШҚО Полиция департаментінің баспасөз қызметі.