Белгілі қазақстандық футболшы әрі бапкер дүние салды

Қазақстанда ғана емес, Ресей, Өзбекстан сынды елдерде белгілі болған экс-футболшы, Кеңес одағының спорт шебері, "Қайрат" футбол клубының бапкері Леонид Остроушко 83 жасқа қараған шағында дүниеден озды, деп хабарлайды Azattyq Rýhy sports.kz сайтына сілтеме жасап.

Алматылық "Қайратта" Леонид Остроушко кезінде жартылай қорғаушы болған. Сол кезден бері жанкүйерлер аты аңызға айналған футболшының шеберлігін жақсы біледі.

Футболшы карьерасын аяқтаса да, спортпен қош айтысып кетпей, ұзақ уақыт бойы бапкер болған. Леонид Остроушконың "Қайрат" клубына ғана емес, семейлік "Цементник", жамбылдық "Алатау", қарағандылық "Шахтер" сынды командаларға да еңбегі сіңді.

Леонид Остроушко Ресей мен Өзбекстанда еңбек сіңірген бапкер атағына ие болған.

Қазақстанның футбол федерациясы белгілі спортшының, бапкердің өмірден озуына байланысты көңіл білдірді.