Елімізде тоғыз айда 13 мыңнан астам жол-көлік оқиғасы тіркелген

Елімізде жол апаттары жиілеп кеткен. Соңғы 9 айдағы көрсеткіш бойынша, Қазақстанда 13 мыңнан астам жол-көлік оқиғасы тіркелген, деп хабарлайды Azattyq Rýhy 24.kz сайтына сілтеме жасап.

Бұл былтырғы жылдың дәл осы кезеңімен салыстырғанда 5%-ға көп. Көлік қақтығыстарының салдарынан 2 мыңға жуық адам қаза болып, 17 мыңнан астам жолаушы жарақат алған. Ең сорақысы, мерт болғандар арасында өрімдей балалар көп. 197 жеткіншектің қыршын өмірі тасжолда қиылған. Тағы 3,5 мыңға жуық бала түрлі дене жарақатымен ауруханаға жеткізілген.