БҚО-да пара алған мектеп директоры сотталды

Батыс Қазақстан облысы Теректі ауданының білім бөлімінің №1 орта мектебінің директоры пара алғаны үшін сотталды, деп хабарлайды Azattyq Rýhy Сыбайлас жемқорлыққа қарсы күрес агенттігінің баспасөз қызметіне сілтеме жасап. 

Айта кетерлігі, Батыс Қазақстан облысының Сыбайлас жемқорлыққа қарсы қызметі осыған дейін «БҚО Теректі ауданының білім бөлімінің №1 Подстепнов орта мектебі» мемлекеттік мекемесіне әлеуметтік педагог-психолог ретінде жұмысқа орналастыру үшін азаматтан 300 мың теңге көлемінде пара алды деген күдікпен аталған мектеп директоры А.А.Қаймулдиновқа қатысты тергеуді аяқтаған болатын.

«Биыл 29 қарашада Теректі аудандық сотының үкімімен А.А.Қаймулдинов пара алғаны үшін айыпты болып танылып, өмір бойы мемлекеттік қызметте лауазым атқару құқығынан айырумен қатар, оған 9 миллион теңге айыппұл төлеу жазасы тағайындалды», - делінген хабарламада.