Атыраулық екі азаматтың көлігінен 364 киік мүйізі тәркіленді

6 ақпанда жергілікті полиция өкілдері Атырау қаласындағы Геолог ықшамауданындағы көпқабатты үйлердің бірінің ауласында жергілікті тұрғындарға тиесілі екі көлік ішінен барлығы 364 дана киік мүйізін тауып, тәркіледі.

«ВАЗ-21014» автокөліктердің бірінен 200 дана киік мүйізі және еш жерде тіркелмеген қос ұңғылы «ТОЗ-16» маркалы аңшы мылтығы табылды. Ал екінші көліктен 164 дана киік мүйізі мен рұқсат құжаттары жоқ 4,5 калибрлі «Байкал МР-512» маркалы қару тәркіленді.

Қазір Исатай ауданы мен Атырау қаласының 23 жастағы екі тұрғына қатысты Қылмыстық кодекстің 339-бабының 1-бөлігі бойынша сотқа дейінгі тергеп-тексеру амалдары жүргізілуде.