Қарағанды шахтасында болған апаттан бір адам қайтыс болды

«АрселорМиттал Теміртау» АҚ көмір департаментінің «Ленин атындағы» шахтасында болған апат кезінде үшінші ауысымның 137 қызметкері болған. Олардың 136-сы жер бетіне шығарылды, бірі шыға алмай, мерт болды.

«АрселорМиттал Теміртау» компаниясының ұжымы мен басшылығы оқиға салдарынан Ленин атындағы шахтада қаза тапқан бұрғылау қондырғысының машинисі Николай Шадировтың туыстары мен жақындарына шын жүректен көңіл айтты. Бұл туралы Қарағанды облысы әкімдігінің баспасөз қызметі хабарлады.

Әкімдіктің хабарлауынша, «АрселорМиттал Теміртау» АҚ қайтыс болған адамның отбасына Қазақстан заңнамасына және ұжымдық шартқа сәйкес барлық қажетті көмек пен қолдау көрсетеді.