Теңіз кенішіндегі қоймадан өрт шықты

Атырау облысындағы Теңіз кенішіндегі вахталық кентте орналасқан қойма отқа оранды, деп хабарлайды Azattyq Rýhy «Теңізшевройл» ЖШС-нің баспасөз қызметіне сілтеме жасап.

31 желтоқсанда Теңіз кенішіндегі өндірістік алаңнан тыс вахталық кенттегі мердігерлік мекеменің қоймасы өртенгені белгілі болды. ТШО-ның өрт-авариялық қызметінің қызметкерлері оқиға орнына жедел жетті.

«Ғимараттан барлық қызметкер эвакуацияланды. Ешкімге медициналық көмек қажет болмады», - делінген хабарламада.

Өрт туралы тиісті органдарға хабарланды.

Қазіргі уақытта қоймадағы өрттің шығу себебі тексеріліп жатыр.