Түркістан облысында жол апатынан екі адам көз жұмды

Демалыс күндері Түркістан облысының аумағында екі жол апаты болды, деп хабарлайды Azattyq Rýhy тілшісі облыстық полиция департаментіне сілтеме жасап.

«19 желтоқсан күні сағат 10:35 шамасында кезекші бөлімге Ордабасы ауданында Шымкент-Самара тасжолының 125-шақырымында жол-көлік оқиғасы болғаны туралы хабарлама келіп түсті. Жүк көлігі аударылып, салдарынан «фураның» жүргізушісі алған жарақатынан көз жұмды. Оқиға орнына полиция мен ТЖД қызметкерлері келді», - деп жазылған ақпаратта.

Сол күні Ескі Иқан ауылы жанында Шымкент-Түркістан тасжолы бойында «ДАФ» жүк көлігінің жүргізушісі көктайғақ салдарынан рульді басқара алмай, автокөлік аударылған. Аталмыш жол-көлік оқиғасы салдарынан бұл жүк көлігінің жүргізушісі де оқиға орнында алған дене жарақатынан көз жұмды. Аталған жайттар ҚР ҚК 345-бабы бойынша тіркелді. Тергеушілер жол-көлік оқиғаларының мән-жайын анықтап жатыр.