Төтенше жағдайлар министрі Атыраудағы қамыс өртіне қатысты жауап берді

Елімізде орман өрті былтырғы жылмен салыстырғанда 20 пайызға көбейген. Бұл туралы ҚР Төтенше жағдайлар министрі Ильин Юрий Викторович мәлімдеді, деп хабарлайды Azattyq Rýhy тілшісі. 

«Осы жылдың 9 айында еліміз бойынша 9 мыңнан аса өрт болды. Оның ішінде орман және дала өртіне келетін болсақ, үлкен көлемдегі, 50 гектардан асатын дала өрті БҚО-да тіркелді. Ал жалпы орман өрті былтырғы жылмен салыстырғанда 20 пайызға көбейген»,- деді Төтенше жағдайлар министрі. 

Айта кетерлігі, оның басым бөлігі Шығыс Қазақстан және Қостанай облыстарында тіркелген.

«Ал Атыраудағы қамыс өртіне қатысты айтатын болсам, қауіп-қатер жоқ. Таралған түтін мен ауаны ластап жатқан өрт қысқа уақыт ішінде тоқтатылады», - деді министр.

Еске салайық, қазір Каспий маңында қамыс өртеніп жатыр. Түнде түтін Атырау облысына жеткен.

Сымбат Молдатай, Нұр-Сұлтан