Түркістан облысында аударылған жолаушылар автобусы тасымалдаушы ретінде басқармада тіркелмеген
Көлік комитеті Түлкібас ауданында аударылған жолаушылар автобусына қатысты пікір білдірді
1992 жылы туған Сарыағаш ауданы Дербісек елдімекенінде Дулатов көшесі №29 үйде тұратын Юсупов Кемран Ильясович (сақтандыру полисімен) Yutong маркалы мемлекеттік номері 750NPB05 автобусты жүргізіп келе жатқан кезде рөлді басқара алмай, жолдың оң жақ бетіне аударылып кеткен. Оқиға 26 тамызда сағат 06:15 шамасында Түлкібас ауданы Састөбе ауылында болған.
Автобустың иесі - Шыныбеков Ербол Исабилович. Салонында 21 жолаушысы болған автобус Алматы – Сарыағаш бағытында кетіп бара жатқан.
Жол апаты салдарынан жарақат алған 2 адам Сайрам ауданы Ақсукент елдімекенінде орналасқан Орталық аудандық ауруханаға жатқызылған:
- Ахметов Эльбрус Танурязович, 1986 жылы туған, Сарыағаш ауданы Киров ауылы, Новостройка көшесінде нөмірсіз үйде тұрады.
- Сабденов Абдували Орынтаевич, 1986 жылы туған, Шымкент қаласы, Арыстаганов көшесі, №61 үйде тұрады.
Басқа жолаушыларға алғашқы медициналық көмек көрсетілген.
ЕИСТО бірыңғай ақапараттық жүйесі арқылы анықталғандай, аталған автобус 04.06.2020 жылы Сарыағаш қаласында орналасқан «Анарбаев» жеке кәсіпкерлігінен техникалық байқаудан өткен және мерзімі 04.12.2020 жылға дейін жарамды.
Сондай-ақ, Түркістан облысы бойынша Жолаушылар көлігі және автомобиль жолдары басқармасының мәліметіне сәйкес, аталған автобус жолаушыларды тұрақты немесе тұрақсыз тасымалдаушы ретінде Басқармада тіркелмеген.
